Takk aftur fyrir fyrirlesturinn. Þessi málstofa var sannarlega upplifun. Ég kom náttúrulega of seint eins og mín er von og vísa og missti af fyrsta fyrirlestrinum. Skildi ekki alveg fyrirlesturinn um mjaðmagrind kvenna. Þegar ég var að læra líffærafræði áttaði ég mig á því að ein megin ástæðan fyrir því að við lærðum líffærafræði mjaðmagrindarinnar vel var einmitt vegna þáttöku þessa líkamshluta í barnsfæðingum, sem stundum geta orðið vandamál. Ég skil ekki alveg hvað er svona slæmt við að orðin sem lýsa grindinni skuli lýsa þessu hlutverki. Svo kom hún Ingibjörg Jóna, hún er nú ágætur fyrirlesari og veit nú sennilega að jákvæðni og væmni hefur nú hingað til ekki talist til kosta hér í harðbýlinu. Ég hefði viljað heyra meira frá þér, kannske bókin komi út fljótlega og þá get ég lesið mér til um efnið. Hannes er ófyrirleitinn og hressandi. Verst hvað hann hefur heillað marga unga sál undanfarna áratugi.
Takk fyrir.
Ég veit ekki fyrir víst hvað ég geri, ég á efni í hálfs annars tíma fyrirlestur en veit ekki um neinn enn sem hefur áhuga á að hlusta. Hins vegar býst ég við að pússa þetta eitthvað og laga flutninginn, mæta svo ótrauður með þetta sama á Kvennasöguþingið í ágúst á næsta ári. Kannski geri ég bók ur þessu eingöngu.
Það sem er slæmt við mjaðmagrindina er að um leið og finnst einhver líffræðilegur kynjamunur er hann miskunnarlaust notaður pólitískt annaðhvort til réttindabaráttu eða undirokunar. Það á sérstaklega við um áfengið og drykkjuþol kvenna, en líka lögun grindarinnar, sem jú sannar að konan er frá náttúrunnar hendi betur falllin til einhverra hluta en karlinn..
Fysti fyrirlesturinn fjallaði aðallega um að konur ættu að taka lýsi á meðgöngu, og þá að taka það í skeið en ekki taka lýsispillur.
Commenting by HaloScan
