stór sekkur belgfylltur
hef það fyrir reglu að búa til pítsu með strákunum mínum á föstudögum, þegar þeir koma til mín frá pabba sínum (eru viku hjá honum, viku hjá mér). uppskriftin er svona: slatti af hveiti, slurkur af vatni, smá ger, örlítill sykur og skvetta af olíu.
æ, sennilega takmarkað lið í mér. en pítsur eru skemmtilegur matur.
hmm, best að ég setji Jón Lárus í að svara þessu...
Já, pizzudeigið, sem við gerum er einhvern veginn á þessa leið:
175 ml, volgt vatn
ger (nota 1/2 pakka af þurrgeri)
2 matskeiðar ólífuolía
ca. 350 g hveit (ég er reyndar löngu hættur að mæla það)
1/2 teskeið salt
Gerið leyst upp í volgu vatni. Olíu og salti hrært saman við. Hveiti hrært út í skálina á smá skömmtum þangað til að það er orðið nógu þétt í sér til að hnoða það á borði. Hnoðað áfram þangað til að deigið sleppir höndinni.
Látið hefast í 1-1,5 tíma.
Þetta dugar hjá okkur í 2 botna (ofninn frekar lítill). Flatt svo út í mjög þunna botna. Bakað í 12-14 mín. við 200°.
Okkur finnst þetta pizzudeig mjög gott og höfum ekkert verið að leita að annarri betri.
Botninn hjá mér er eitthvað svipaður og hér að ofan en það er ógó gaman að leyfa krökkunum (lesist: frænda mínum) að setja áleggið á eins og mósaíkverk. Þá býr hann kannski til sól eða hús eða bíl (og kannski seinna álver?) úr bitunum. Trés bien.
Jahá, Baun, uppskriftin þín er svaðalega óljós en ég var með miklu miklu meira af olíu en einhvern slurk, alveg stórt glas af henni, og held að það hafi verið óþarfi. Annað virðist svipað. Svo set ég oreganó í botninn, það gerir hann flottari.
Og Erla: Auðvitað fá listrænir hæfileikar þeirra að njóta sín við áleggsröðun, það er náttúrulega aðalmálið.
Voðalega er þetta allt eitthvað krúttlegt hjá ykkur.
Ég kaupi nú bara annað hvort frosna pítsu eða eitthvað tilbúið í poka sem ég blanda vatni saman við ...
Reyndar þarf ekki að vera mikið af olíu. Hins vegar er mikilvægast að hafa mjög próteinríkt hveiti (glútenríkt). Ítalskt durum-hveiti er t.d. sérlega gott. Svo verður deigið líka að hefast vel.
15 gr (sirka) þurrger
250 ml volgt vatn
dass af sykri
t tsk salt
350-400 gr af heilhveiti
Ég læt hefast eins lengi ég hef þolinmæði til. Klukkutími sirka virðist sleppa til. Þríf þá oft á meðan deigið hefast.
Og já, það er engin olía í uppskriftinni, hinsvegar smyr ég skálina sem deigið hefast í með smáveigis olíu. Þá festist deigið ekki í skálinni og allt verður snyrtilegra og deigið fær örlitla smurningu.
Fáðu uppskrift af speltbotni hjá Siamack, algjört æði. knús úr úrhellinu í Grímsnesi
Bryn&Co
Mín uppskrift er eitthvað í líkingu við þær sem hér eru, en ég er með alveg rosalega góða uppskrift af pizzusósu ef þú hefur áhuga. Góð pizzusósa gerir alveg gæfumuninn:O)
Mmm Syngibjörg, já endilega.
Bryn, ég var með ágæta speltuppskrift, sem vakti síður en svo lukku hér. Vil frekar eitthvað glútenríkt og gott.
Hvað er málið með sykur í deiginu, er það nokkuð nauðsynlegt?
Ég set alls engan sykur í mitt deig...en það er voða gaman að stelast til að krydda þau með hvítlaukssalti eða oregano...namm namm.
Svo eru frosin deig út í búð bara alveg ágæt. Best er að setja sósu fyrst og síðan ostinn. Eftir það setja allt hitt jukkið ofan á. Annars verður botninn blautur og ógeðslegur ef t.d. tómatar og ananas eru undir ostinum. Við kreystum ananasinn í lúkunum svo pizzus verði alveg örugglega ekki blaut.
Svo er matvinnsluvél alveg kjörið tæki til að hnoða fyrir mann. Elska tæki!
Já...hurðu svo stingur maður víðsvegar í deigið með gafli þegar útfletning hefur át sér stað. Sumir stinga pizzubotninum inn í heitan ofnin í smá stund til að fá hefingu og svo er hafist handa við sósuna ostinn og áleggið. 225 gráður er líka vinalegur pizzuhiti.
Aha, takk fyrir þessi ráð Skrudda, annar botninn varð einmitt blautur af þistilhjörtunum og tómatsneiðunum sem við settum út á. Og við vorum bara með 200 gráður.
Ég set þurrger alltaf í skál með volgu vatni og smá sykri, læt það standa þar til það byrjar að freyða. Finnst deigið verða miklu meðfærilegra þegar ég geri það. Fattaði nýlega að það skiptir máli hvaða hveiti er notað.
Hveiti, salt, olía í skál - gerfroðuvatnið - hrært og hnoðað. Hefast í klukkutíma. Geri yfirleitt fjórar frekar stórar pizzur, það klárast allt á þessu heimili.
Mæli með brauðfærslunni hennar Nönnu.
ég geri eins og Matti, og mér finnst gott að setja örlítið salt með gerinu og vatninu.
hæ gamla mamma
þetta er þessi með vörina sem var reyndar sú neðri en ekki efri. Fljótlegasta og hollasta uppskriftin er sú gerlausa, en það er nausynlegt að forbaka botnana á bökunarpappír í c.a 4 mín áður en álegg er sett á, ef sósunni er ekki skellt strax á er nauðsynlegt að setja rakt stykki yfir
250 gr mjöl (blandað gróft og fínt)
3 tsk lyftiduft
salt
krydd
2 msk olía (nudduð í á undan vatni)
100-150 ml heitt vatn og hnoðað saman
þetta eru tvær litlar eða ein stærri
það eru annars merkilegar pælingarnar um "ungar" og "gamlar" mömmur en líklega rétt að þú hafir ekki verið aláhugasamasti vettvangurinn á þeim árum
hej, er það rétt sem lítll fugl hvíslaði að mér að þú værir á leið hingað til lands í brúðkaup dívunnar á menningarnótt?
knús
Enn meira að moða úr, hlýtur að verða betra næst. Ætla að prófa bæði með og án sykurs og prófa með geri því hingað til hafði ég einmitt notað lyftiduft.
Embla, ég trúi því ekki að það hafi verið sú neðri! Það var efri.
Ég sat einmitt fyrr í kvöld og velti fyrir mér möguleikanum á því að stinga af í brúðkaup en það eru litlar líkur á að það komist á fjárlög heimilanna út af blessuðum bílakaupunum.
ækaramba! meinti sykur með vatninu og gerinu, en set smá salt með hveitinu.
Já, sykurinn er til að næra gerið. Og það þarf bara teskeið max.
Ég byrja líka alltaf á því að velgja gerskálina með því að láta standa heitt vatn í henni í smástund.
Commenting by HaloScan
